باقلمه‌مق اوزره فرمان اصدار ايتملريله يوكلرينه تعرض ايتمديلر . ايرتسى كونى ايلجيلره غايتله تكلفلى ضياقت ايلديلر . آندن دخى كوچيلوب شعبانك بشنجى كونى قرامورانه و آندن هر كون . بر منزلخانه و هر هفته بر شهره قونيلوب ضيافتلر اولنه‌رق شعبانك يكرمى اوچنجى كونى قمجو شهرينه واريلدى . و شهر مزبورده براقدقلرى چارپالر و نوكرلرينى تماما آلوب قبض ايلديلر اما مغو - لستان اطرافنده اشقيادن امنيت اولماديغى خبرلرى استماع اولنمغله ايكى بچق آى مقدارى مكث اولنوب بعده حركت و ذوالقعده‌نك يدنجى كونى سكجو شهرينه واريلدى . بر قاچ كون آنده دخى مكث اثناسنده اصفهاندن ميرزا رستمك « 1 » ايلچيسى پهلوان جمال الدين و شيرازدن ميرزا ابراهيم سلطانك « 2 » ايلجيسى امير حسن شهر مزبوره وارد

--> ( 1 ) ميرزا رستم - شاهرخ سلطانك برادرزاده‌سى و معز الدين عمر شيخ بن امير تيمورك مخدوميدر جدى تيمور زماننده اصفهان و اليلكنه تعيين اولنمشدى . تيمورك وغاتنده همدان و نهاوند و اليسى بولنان و تورك شاعرى مشهور حيدرك ممدوحى اولان ميرزا اسكندر دفعاتله اوزرينه كلوب محاربات عديده و قوعيولدى ، بر آره‌لق منهزم اوله‌رق قره‌قيونليدن تبريز پادشاهى قره يوسف تركمان ياننه واردى . بعده كلوب برادرى اسكندر ميرزا ايله جنك ايدرك برادرينى قتل ايله اصفهان و همدان و نهاوند حكومتنى ضبط ايلدى . ( 2 ) ميرزا ابراهيم سلطان - بو دخى شاهرخ سلطانك مخاديمندندر . پدرى شاهرخ سلطان زماننده فارسده يكرمى برييل مقدارى حاكم اولوب ينه پدرينك حياتنده 838 سنه سنده وفات ايتمشدر .